« All eventos

Inicio curso – Técnico/a – O dereito á igualdade de trato

Outubro 13
  • FORMACIÓN ORIENTADA A PERSOAL TÉCNICO
  • 13/10 A 13/11
  • OBXECTIVOS XERAIS DA ACCIÓN FORMATIVA:
    • Proporcionar técnicas e estratexias para incorporar a perspectiva de xénero en todas as facetas da relación laboral.
    • Ofrecer formación para fomentar a igualdade de trato e de oportunidades entre mulleres e homes no traballo, e para previr e erradicar a discriminación por razón de xénero en institucións e empresas.
  • PERSOAS DESTINATARIAS:

Persoas interesadas en adquirir capacitación certificada en igualdade de xénero laboral para desenvolver e implementar plans, estratexias e programas destinados a garantir a igualdade de trato e a non discriminación entre mulleres e homes no ámbito laboral público e privado.

  • COMPETENCIAS:
    1. Caracterizar as modalidades de prexuízos de xénero e o seu efecto como causa de discriminación nas relacións laborais.
    2. Recoñecer os distintos tipos de discriminación que ocasionan desigualdades entre mulleres e homes na relación de traballo.
    3. Identificar medidas e accións instauradas na normativa vixente e na negociación colectiva para previr e corrixir desigualdades nas empresas e organizacións.
    4. Analizar o cometido dos plans de igualdade como resposta á discriminación na relación laboral por motivo de xénero.
    5. Planificar e elaborar estratexias de prevención e erradicación das discriminacións para promover a igualdade de trato e de oportunidades de mulleres e homes no ámbito laboral.
  • DOCENTE:
    • Dr. José Fernando Lousada Arochena
      • Licenciado en Dereito pola Universidade de Santiago de Compostela (1981-1986). Graduado Social pola Escola Social de Santiago de Compostela (1982-1985). Diplomado en Práctica Xurídica pola Universidade de Santiago de Compostela (1985-1986). Diploma de Estudos Avanzados en Dereito pola Universidade da Coruña (2008-2010). Doutor en Dereito con Premio Extraordinario pola tese “O principio de igualdade de mulleres e homes: en especial, no Dereito do Traballo e a Seguridade Social”, Universidade da Coruña (2010-2014); máxima nota sobresaliente cum laude; Premio Extraordinario Doutoramento Curso 2013-2014.
      • Maxistrado Especialista da Orde Social do Tribunal Superior de Xustiza de Galicia.

Etiquetas:

2º EDICIÓN, Inicio do curso