Inicio curso – Técnico/a – O plan de igualdade

• FORMACIÓN ORIENTADA A PERSOAL TÉCNICO
• 21/04 A 21/05
• OBXECTIVOS XERAIS DA ACCIÓN FORMATIVA:
  • Ofrecer formación teórico-práctica para asesorar e apoiar a empresas, organizacións e institucións na implantación de medidas específicas de comunicación non sexista e inclusiva e de sensibilización do cadro de persoal.
  • Proporcionar coñecementos normativos e prácticos para a elaboración, desenvolvemento, seguimento e avaliación de plans de igualdade efectivos, axustados á normativa vixente nas zonas transfronteirizas de Galicia e Norte de Portugal.
• PERSOAS DESTINATARIAS:

Persoas interesadas en adquirir capacitación certificada en igualdade de xénero laboral para desenvolver e implementar plans, estratexias e programas destinados a garantir a igualdade de trato e a non discriminación entre mulleres e homes no ámbito laboral público e privado.

• COMPETENCIAS:

1. 1. Coñecer o marco normativo dos plans de igualdade nas lexislacións portuguesa e española, identificar os seus conceptos básicos e delimitar os criterios que determinan a súa implantación.
   2. Promover o emprego de linguaxe de comunicación non sexista e inclusiva en todas as facetas da relación laboral, e especificamente na elaboración e desenvolvemento do plan de igualdade.
   3. Coñecer os conceptos legais de discriminación por orientación sexual e por identidade de xénero para poder implantar medidas eficaces para a súa prevención e erradicación.
   4. Confeccionar o diagnóstico de situación de empresas e organizacións nos termos previstos nas lexislacións española e portuguesa, para identificar áreas susceptibles de corrección ou mellora.
   5. Deseñar o plan de igualdade, fixando os obxectivos a acadar e planificando as medidas e recursos necesarios para promover a igualdade de xénero no ámbito laboral, en función das carencias e desigualdades detectadas no diagnóstico de situación.
   6. Xestionar a aplicación práctica do plan de igualdade e as súas avaliacións intermedias e final, para verificar a efectividade das medidas adoptadas e propoñer as revisións necesarias.

• EQUIPO DOCENTE:
  • Dra. Patricia Nieto Rojas
    • Profesora Titular de Universidade da UNED
  • Vanessa Pereira
    • Máster en Estudos sobre a Muller: xénero, cidadanía e desenvolvemento
    • Formadora/consultora en igualdade de xénero, inclusión e non discriminación
    • Psicóloga en proxectos comunitarios de loita contra a violencia de xénero e promoción e protección dos dereitos dos nenos na Oficina de Atención á Familia