Inicio curso – Técnico/a – Os dereitos das persoas traballadoras

• FORMACIÓN ORIENTADA A PERSOAL TÉCNICO
• 21/05 A 21/06
• OBXECTIVOS XERAIS DA ACCIÓN FORMATIVA:
  • Proporcionar coñecementos e formación para apoiar ás entidades e organizacións públicas e privadas na implementación de protocolos de prevención e das medidas laborais e de seguridade social previstas na lei e nos convenios colectivos para a protección das vítimas de violencia de xénero e de violencias sexuais.
  • Ofrecer formación para asesorar ás vítimas e prestarlles asistencia no ámbito da relación laboral.
• PERSOAS DESTINATARIAS:

Persoas interesadas en adquirir capacitación certificada en igualdade de xénero laboral para desenvolver e implementar plans, estratexias e programas destinados a garantir a igualdade de trato e a non discriminación entre mulleres e homes no ámbito laboral público e privado.

• COMPETENCIAS:

1. Identificar os elementos configuradores, manifestacións e consecuencias da violencia de xénero e das violencias sexuais, e coñecer os procedementos e trámites de acreditación da condición de vítima.
2. Asesorar ás traballadoras vítimas de violencia de xénero ou de violencias sexuais, prestándolles información e apoio integral en materia de dereitos, servizos e recursos de protección.
3. Proporcionar asesoramento e asistencia a vítimas en situacións especiais, aplicando a normativa legal específica sobre dereitos laborais e protección social.
4. Deseñar protocolos de actuación para proporcionar ás vítimas de violencia de xénero e de violencias sexuais a protección integral prevista nas lexislacións portuguesa e española, e nos convenios colectivos.
5. Asesorar ás vítimas de violencia de xénero e de violencias sexuais sobre os servizos e canles de denuncia previstos na normativa vixente e nos protocolos internos das empresas e institucións.
6. Asesorar e apoiar a empresas e outros grupos sociais na implantación e aplicación das medidas laborais e de protección social de vítimas de violencia de xénero e de violencias sexuais.
7. Apoiar a implementación de programas de intervención con agresores para corrixir e erradicar condutas de violencia de xénero sucedidas no ámbito laboral.

• EQUIPO DOCENTE:
  • Dr. Francisco Xabiere Gómez García
    • Doutor en Dereito pola Universidade de León, con mención internacional e cualificación sobresaliente cum laude, coa tese “A relación laboral ante a violencia de xénero: protección e carencias de atención”.
  • Alícia Wiedeman
    • Licenciada en Dereito. Posgrao en Socioloxía. Máster en Crime, Diferenza e Desigualdade.
    • Técnica superior de prevención primaria da violencia e promoción dos dereitos humanos no ámbito do proxecto ART’THEMIS+ da UMAR (União de Mulheres Alternativa e Resposta).